philjazzmetal

422. | wüdnis. 1) .8/5/8/6 / 9/8 lossts eich do olle umoamen, hob eich do so gean, untadrücks do eire doanen, wü nua endlich hamkeahn, hob mi jetzt wiaklich long gnua vasteckt, bin drübm wieda ongeeckt vagebts ma do meine föhla, hobs do net so gmant, seavia mi söbst auf an tölla, hob des ois net geplant, unsicha in jeda lebmslog, mei balance woa längst ausm lot vazeihts ma do mei vasogn, hobs net kumman gsehn, stö ma söbst die gleichn frogn, es is hoit afoch gschehn, hob die vastrichne zeit oft vafluacht, hob mei sö scho ziemlich zafuacht bin wieda moi vüz tiaf obgstüazt, hobs gleichgwicht valoan, hob mein weg daduach stoak obküazt, hob mi total vafoahn, die einbohnstrossn is a tunnö, bin gfesslt auf mein karussö. 2) .8/5/8/6 / 9/8 drum lossts eich endlich umoamen, hob eich do so gean, hobts endlich mit mia eaboamen, bin irritiat und fean, vü liebe hot si in mia aufgstaut, oba sie wiad vüz schnö obbaut ealossts ma do meine sündn, fühl mi wieda frei, konn mein weg goa net begründn, zöhts do ruhig laut bis drei, bin unta druck a bissl gestresst, fühl mi wie in a eckn presst schenkts ma wieda eia vatraun, foss donn neien mut, konn mi donn söbst wieda aufbaun, bin donn wieda ausgruht, die feigheit hot mi stets übaroit, hot si in mia eisan festkroit bin wieda ausgrutscht und hingfoin, die eadn hot bebt, konn meine schritt net meah einhoin, bin om bodn festklebt, vasink imma tiafa in a loch, san stromschnön in an seichtn boch. ch 1a) .7/6/8/6 / 9/6 ...//// 7/8 hob ka gfüh meah füas lebm, hob ka gfüh meah füas sein, wü eich ois wieda zruckgebm, jedn anzelnen stein, konns mosaik net finalisian, muass teile east kopian find kan sinn meah in da zeit, hob gnua von diesm raum, hob mi ind woateschlong eingreiht, zu meim eastn oiptraum, a pfeilregn prasslt auf mi ein, des doch is vü zu klein hob nua des schlechte eingsaugt, hobs mit gia inhaliat, bin innalich gänzlich vastaubt, hob afoch ois negiat, di allan betrifft mei alleagie, hob no ka alibi suach vazweiflt noch an licht, in diesa finstanis, brauch dringend wieda freie sicht, füa mei eigne wüdnis, bin mittn im wiablstuam, ohne an aug mit vü gravuan. 3) .8/5/8/6 / 9/8 deaf i eich endlich umoamen, hob voa eich respekt, mecht mi endgültig umfoamen, hob mi jetzt nei entdeckt, moch scho a komplexe therapie, justia mei sölische chemie loss jetzt ois weit hinta mia zruck, vaschmöz mit dem jetzt, auf mia lostet a hoha druck, mei haut is scho obgwetzt, die nägl und stochln hom mi gritzt, mei krise hot si scho zugspitzt vabind ma söbst meine wundn, no long net vaheilt, mecht mei lebm übarundn, hob hia vüz long vaweilt, gfongen in diesa engen spiroin, tentakln ziehn mi in die foin schlitta aufm eisglottn weg, drah mi scho im kreis, da wind hot mi wieda vaweht, hot an seah hohn preis, da dominoeffekt schlogt voi ein, konn ma söbst an oadn valeihn. 4) .8/5/8/6 / 9/8 mecht eich jetzt olle umoamen, sads do guade freind, muass mi wieda söbst onspoanen, hob wiaklich scho gnua gweint, meine tränen san scho längst vasiegt, hob mi nua innalich bekriegt ziag jetzt an massivn schlussstrich, hob den übablick, keah no schnö ois untan teppich, entsoag des missgeschick, hob winzige köana übasehn, mutian donn wieda zu armeen gebts ma no an letztn vasuach, bin scho voagewoant, steht scho ois in meim lebmsbuach, hobs jetzt endlich enttoant, hob die zeichn identifiziat, hob mei eigne schrift decodiat valia wieda mein festn hoit, zlongsom reagiat, hob mi boid net meah in da gwoit, hobs motiv definiat, vasink jetzt endgültig bis zum grund, mei hüfeschrei guaglnd vastummt. b 1) .14/14/8/8 ...//9/7 .9/13/10/13 tast mi voasichtig duach die dunklgraue neblwond, vaschmöz mit meim unscheinboan schottn zum horizont, ka dämmarung zabricht den rond, on diesa vaworrenen front moi mit schwoaz und weiss a foabmprächtig strohlendes büd, vaschmöz mit den pinsln und da leinwond zu an schutzschüd, des matrial is vü zu dünn, hob no imma kan frein wün entfean den eahäatetn schmutz und dreck voa meina tüa, vaschmöz mit den via elementn zum schicksoisgeschwüa, da meteoa auf da umlaufbahn, vafoigt eiskoit sein eignen plan schweb schwerelos duach mei unschoafe vaschwommne wüdnis, vaschmöz mit meina vagongenheit zu an fümriss, des chaos hot mi kontaminiat, die vüfoit hot mi massiat meine ausredn san valogn, mei hoates ausweichmanöva hot wieda zuagschnoppt, bin imma nua gegn scheibm gflogn, sogoa nua klane wön san üba mei ufa gschwappt meine ausredn wuamig vafault, meine entschuidigungen stinkn scho noch varot, hob ma söbst mei gonzes lebm vagrault, die wondandn dünen vagrobm mei rettungsboot. ch 1b) .7/6/8/6 / 9/6 ...//// 7/8 hob ka gfüh meah füas lebm, hob ka gfüh meah füas sein, wea scho boid mein onka hebm, aus dem eitrign schleim, hoftet wie a honig on mia dron, do des gift is synchron find kan sinn meah in da zeit, hob gnua von diesm raum, hätt mi so gean vom tod befreit, spia mein zweitn oiptraum, in diesa pyroklastischn flut, nistet die dämonbrut hob nua des bese vaschluckt, hobs glei auswendig gleant, hobs nochhea innalich zadruckt, imma wieda aufgwäamt, du bist dieses sondkoan in meim aug, du bist mei schmeazenslaut suach no imma noch an licht, in diesa finstanis, die gedonkn eazöhn die gschicht, von da eignen wüdnis, bin mittn im höllenschlund, da feuarauch hot mi vamummt. ch 2a) .13+6/11+10 diese wüdnis komprimiat mei bisherigs lebm zu an winzign punkt, diese wüdnis hot iahre feinen fühla zäatlich sonft in mei gedächtnis eintunkt diese wüdnis konseaviat meine stützendn strebm mit ana tinktua, diese wüdnis is a kräftiga spüla füa mei obgsprungne rostige glasua diese wüdnis sichat meine oblogarungen voa da feindlichn mocht, diese wüdnis hot mein heazschlog vagütet mit frischa lebmsbejahenda kroft diese wüdnis beschützt meine eainnarungen voa fremda invasion, diese wüdnis trogt mi soagsom behütet in diese nächste viate dimension. 5) .8/5/8/6 / 9/8 muass eich unbedingt umoamen, sads mei letzta kean, deaf eich olle umgoanen, mit meim entdecktn stean, die stroihn vakündn von da gebuat, vaweisn auf a dunkle fuat vagessts unsre diffarenzn, woan nua nichtig klan, öffne jetzt oi meine grenzn, hoachts auf eire membran, mei tromml hot den rhythmus im blut, des echo säugt die schwoche glut vagrobts do die diskrepanzn, san scho längst vajäaht, zasteats unsre dissonanzn, no imma woihgenäaht, wean ständig von neuem aufgestockt, ois opfa om pfahl ongepflockt bin wieda unglücklich umkippt, hob grod net aufpasst, hob die schmeazn dreimoi duachsiebt, trog bei mia zvü ballast, vafong mi jeds moi wieda im netz, jeda knota is des gesetz. 6) .8/5/8/6 / 9/8 hob die pflicht eich zu umoamen, familiengschicht, kennts mi ruhig wieda vawoanen, hob den beag scho umschifft, jede seitn biagt iah eigne gfoah, da vuikan öffnets schleusntoa hob eich do imma scho vaeaht, steht ois im vatrog, hob mi a nie dagegn gweaht, unta meim mikroskop, hoit mi do nua no im hintagrund, fühl mi winzig in unsam bund hob mit eich zwoa gonz gebrochn, hob meine gründ ghobt, reibts die messa on mein knochn, hobts mi endlich gestoppt, zöh die vün keabm goa net meah, san in mia scho parasitäa bin donn im bodn vasunkn, greif lea in die luft, des moa hot obscheulich gstunkn, plan scho mei nächste flucht, lauf afoch los üba beag und toi, duach wiesn wöda wossafoi. b 2) .14/14/8/8 ...//9/7 .9/13/10/13 tapp voasichtig duach des mächtig tiafschwoaze woiknbond, vaschmöz mit meim unsichtboan halo zum horizont, ka sübastreif steigt hia empoa, in diesm schmoin korridoa zeichne mit meinen händn geheimnisvolle figuan, vaschmöz mit meim atem zu übasinnlichn struktuan, vüz fragil is dieses geflecht, bin nua no easchöpft und geschwächt säuba mein eign grund und bodn vom valognen sumpf, vaschmöz mit diesa natuaeneagie zum hechstn trumpf, da planet hot sei eigne sproch, produzian zvü läamendn kroch gleit schwerelos duach die diffus schleiahofte wüdnis, vaschmöz mit meina vaflossenen zeit zu an fodnriss, diesa ruin frisst si duachs gebein, liebkost mit foitanda pein meine ausredn eahlos vaschmiat, mei sinnlose rechtfeatigung hot hia goa nix taugt, bin splittanockt üba scheabm maschiat, sogoa da jüngste baum hot si glei wieda entlaubt meine ausredn billig obskua, mei empfundne reue woa nua a teil meina show, eagänz mei lebm mit da kompliziatn fraktua, die steinige wüste wiaft noch mia scho des lasso. d 1) .14/14/8 (9)/8 (7) ..13/15/9/9 diesa peitschende knoi übatönt dieses laute schrein, da schwingende schoi übaschwemmt meine phantasterein, diese wüdn phantastarein mutian zum schizophrenen sein dieses bewusstsein spoitet mei philosophie gonz kronk, diese mentalität vawökt direkt voa meim vastond, diese gehianströmung vaebbt und roit socht on den flochn strond hintam strond heascht des zeitlich begrenzte intavoi, die sprudlnde quön hot wie da geysia a zeitprotokoi, denn in da wüdnis hom bagatön, ka übalebmschance beim aufproi. ch 1c) .7/6/8/6 / 9/6 ...//// 7/8 hob ka gfüh meah füas lebm, hob ka gfüh meah füas sein, wea mi mit eich donn vawebn, mit meinen molarein, vamisch foabm zum kaleidoskop, mochn nua lebmsphob find kan sinn in diesa zeit, hob gnua von diesm raum, hob eich afoch no nie eingweiht, in meim drittn oiptraum, atme schoafes zähflüssigs metall, die dosis is letal hob nua des kronke vatilgt, woa scho süchtig danoch, meine innarein san vagilbt, gfongen im engen loch, bin bei kontakt sofoat infiziat, host mi scho drangsaliat suach intensiv noch an licht, in diesa finstanis, eakenn net meah mei eigne schrift, in da eignen wüdnis, bin mittn aufm zenit, die sehne is gsponnt om limit. ch 2b) .13+6/11+10 diese wüdnis beschleunigt mei bisherigs lebm mit lichtgeschwindigkeit, diese wüdnis hot mei gleschtes gedächtnis den uaoidn stoakn göttan geweiht diese wüdnis befüllt meine sölischn gräbm mit bekömmlicha kost, diese wüdnis hintalosst a vamächtnis von brütenda hitz bis bitterem frost diese wüdnis bedocht mi mit vü föadarungen füad innre harmonie, diese wüdnis hot mi wieda instond gsetzt mit da übaschäumendn euphorie diese wüdnis bewocht meine eainnarungen mit hechsta präzision, diese wüdnis eskoatiat mi unvaletzt in diese nächste viate dimension. ch 3a) .10+12/10+7 ..15+7/10+7 spreng mi scho duach fiktionen utopien, und visionen von exoabitantem ausmass, schleich mi duach kolossale dystopien, im unduachdringlichn gras tauch duach illusionen anomalien, und phantastarein ohne geringstem engpass, wühl mi duach aggressive therapien, mit beschwörendn mantras schau mit gschlossnen augn duach mei vablendete wiaklichkeit, zum zabrochnen spieglglas, vabeag mei menschliche zabrechlichkeit, wegn dea breitn deltas valong in diese unberüahte natüaliche wüdnis, um eastmalign einloss, eakenn in dem lebmsechtn büdnis, mein unvasöhnlichn hoss. 7) .8/5/8/6 / 9/8 soi i eich wiaklich umoamen, hob kan eignen wün, muass mei eahlichkeit no noamen, deaf mit eich net meah spün, stoipa ois voglscheichn umhea, festgnoglt ohne gegnweah bin ungeschickt und unbegobt, füaht ka weg voabei, hob mi endlich wieda austobt, zastompf die luft zu brei, hob diesn fleischwoif seah oft benutzt, hob hintahea nie wos wegputzt kennts ma wiaklich gstoihn bleibm, hob mi do bemüht, woit die harmonie zareibm, is voahea scho vaglüht, mei ebene woa niemois gonz floch, speaspitzn stechn duach den stoff bin donn wieda moi vaschwundn, vableib unbekannt, woa mit eich imma vabundn, ois leichta proviant, des paket bleibt füa imma vaschoin, denn da obsenda hots so woin. '8) .8/5/8/6 / 9/8 mecht eich jetzt trotzdem umoamen, schliess eich in mei heaz, bet zu den uaoidn noanen, bei mia gehts steu obwäats, a ewigs gleitn duach diesn spoit, hot meine oagane zommboit hob wieda moi völlig foisch züt, ondas übalegt, hob mi on da woahheit vabrüht, die ontwoatn zasägt, diese konsequenzn woan fatal, des resultat net optimal lossts do endlich gnade woitn, hob mas do vadient, woit jo scho an gong zruckschoitn, die bruckn woa vamint, hob scho olle hebln ausprobiat, des getriebe woa net geschmiat wea donn pletzlich wieda vamisst, bin spüaboa latent, mei eneagie bedächtig fliesst, is a experiment, die praxis woa afoch zu riskant, hinta mia wocht da sekundant. b 3) .14/14/8/8 ...//9/7 .9/13/10/13 schleich mi voasichtig duach des schummrig unhamliche lond, vaschmöz mit meina mystischn aura zum horizont, ka blaue stund krotzt on den sphäan, ka ritual auf den altäan denk mia mit meinen synapsn des abstrakte konstrukt, vaschmöz mit blitz und donna zum hochgeistign produkt, des fundament is instabil, völlig vastopft is des ventil trenn mi dezent von mein schwean beweismaterial, vaschmöz mit korrupta elegonz zua foischn moral, da kosmos weita expandiat, hot si von allan foamatiat fliag schwerelos duach diese skurril vahüllte wüdnis, vaschmöz mit meim leise rieslnden sond zum fasariss, die agonie zeat om lebmssoft, schickt ma a bese botschoft meine ausredn tückisch infam, mei veabale vateidigung hot kan intressiat, bin in jedm bereich a scharlatan, sogoa mei flötnmelodie hot manipuliat meine ausredn boshoft peafid, mei grosses bedauan woa nua gheuchlt und aufbläht, mei lebm vazeichnet a defizit, des vastossne vakuum hot si ziemlich aufbläht. d 2) .14/14/8 (9)/8 (7) ..13/15/9/9 .7/9 / 10/7/11 ..12/9/14/9 mit feinsta akribie entsteht scho a endlosa weg, diese grodn is mit vü zvü kreizungen übasät, die kreizungen homs labyrinth, mit vü steiln kuavn ongrient im varücktn goatn heult flüstand da wind ohne zwong, da wind bringt des gerüst zum einstuaz und zum untagong, diesa obstieg füaht afoch direkt zum fest vaschlossnen voahong hintam voahong beheascht da vastond die symmetrie, die komplexität eazeugt die fraktale geometrie, in da wüdnis hot die trinität, a drastisch tragische hysterie fühl mi zaquetscht und zamoimt, in mia hots heftig brodlt und quoimt, die noabm zian mei gesomte struktua, gibt ka autokorrektua, bin a geächtete ausgstosse kreatua fühl mi scho pulvarisiat, hob mi scho ins obseits navigiat, die noabm büdn a bestimmte foam, eakenn glei des signalhoan, olle datn ungültig von den sensoan mei sprühende magie is endgültig vadöat, hob diese wüdnis heraufbeschwöat, mei tickende manie hot mi aufs äussaste vazückt, hob söba den reifn opfl pflückt. e 1) .4+6/4+6/5+7/5+8 ....10/10/8/9/7 hob no nie gwusst, wohin mei reise geht, hobs nie kapiat, wohea i kumman bin, spias auf meina brust, mei goidenes amulett, hobs glei aktiviat, benötig mei adrenalin hob mi grod gfrogt, is des realität, bitt eich do nua, gebts ma endlich an sinn, wea no imma gjogt, von meina identität, mit meina montua, tarn i meine vün phobien weads nie eafoahn, wohin mi mei pfad lenkt, sog nie a woat, wo mei untaschlupf is, weas rätsl bewoahn, bin donn oba umgeschwenkt, hätt ma vü easpoat, vom legendäan atlantis weads nie ealem, hom des dasein vaschnüat, bitt eich do nua, brauch meine amnesien, hob do mei system, hob hia emotionen gschüat, es woa a toatua, mit meinen besessnen phobien die aufglodne schuid belostet mi seah, die situation is äussast prekäa, mei insl is scho wieda gschrumpft, meine instinkte san obgestumpft, valongts von mia ka auskunft hob ma söba vü sühnen aufealegt, diese silhouettn hom mi geprägt, mei insl hot kapituliat, mei antenne hot mit boykottiat, bin völlig paralysiat. ch 1d) .7/6/8/6 / 9/6 ...//// 7/8 hob ka gfüh meah füas lebm, hob ka gfüh meah füas sein, wea noch meinen wuazln strebm, mit meinen spülarein, hob die wüafln längst wieda varäumt, hob die punkte vasäumt find kan sinn in diesa zeit, hob gnua von diesm raum, des reine nix wieda gedeiht, in meim viatn oiptraum, hob meine eingeweide vakauft, hob mi danoch umtauft hob nua die kötn vaspeist, hot mi sofoat vasklavt, innalich gonz brutal entgleist, hob mi donn hoat bestraft, bin volla eifasucht explodiat, hob mitm feind paktiat suach deprimiat noch an licht, in diesa finstanis, begrom in da untastn schicht, in da eignen wüdnis, bin mittn im frein foi, woat jetzt nua no auf mein aufproi. ch 2c) .13+6/11+10 diese wüdnis potenziat mei bisherigs lebm zum schleichendn komet, diese wüdnis hot mei kuazes gedächtnis mit leuchtendn galaxien fest vanäht diese wüdnis eateilt ma jetzt endlich den segn füa die wiedagebuat, diese wüdnis zeigt man baum da eakenntnis mit oi seinen früchtn von bes bis guat diese wüdnis voiziagt bei mia scho umwondlungen in meim engen kokon, diese wüdnis mocht mi bereits resistent gegn den si schlofend stellendn dämon diese wüdnis vateidigt meine eainnarungen gegn adhäsion, diese wüdnis vaschraubt mi sölisch stäakend mit diesa nächstn viatn dimension. ch 3b) .10+12/10+7 ..15+7/10+7 spreng mi duach getäuschte hoffnungen, wahnvoastellungen mit drastischa intensität, schleich mi scho duach schwere bewoffnungen, bis zua bestialität tauch duach gspieglte halluzinationen, fanatischn theorien mit qualität, wühl mi duach plumpe agitationen, mit roha diversität schau mit lean augnhöhln duach mei reale existenz, in mei rationalität, isolia scho mei menschliche demenz, wegn da fatalität valong von da unberüahtn natüalichn wüdnis, relative stabilität, bemeak in dem lebmsechtn büdnis, mei träge passivität. ch 4a) 10/10/8/8 ..10/10/8/9 hob jetzt endlich mei letztes zü eareicht, die wüdnis is mei ollabesta freind, bin füa ois weitare geeicht, hobs lebm jetzt endlich entsteint hob ois ondre um mi hearum vascheucht, bin jetzt mit da wüdnis endlich vaeint, hob kuaz beim eastn schritt gekeucht, hob dem lebm net meah nochgweint hob jetzt endlich mein weg zu ende brocht, die wüdnis hot mi jetzt heazlichst umoamt, hob wieda üba mi söbst glocht, die wüdnis hot si meina eaboamt hob üba des gestan net meah nochdocht, die wüdnis hot mi endgültig umgfoamt, leb mit mia in besta eintrocht, hob die situation entwoant hob endlich mei lebm wieda im griff, die kroft da wüdnis hot mi nei geboan, vom wind vaweht da obschiedsbrief, wuade nua dafüa auseakoan stöba neigiarig im grossn archiv, wea von da wüdnis trotzdem nix eafoahn, mei mission ging scho wieda schief, wea mi söbst in da wüdnis vaschoan. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ geschrieben am 04./06./07./08. februar 2018.pk. ~ überarbeitet am 29./30. jänner // 01./03./05./06. februar 2022.pk copyright by philipp kirschner.pk. ~ untermalt mit metalmusik von nailed to obscurity, orbit culture. *****************************************************************************************************************************************************

lieber peter. danke für deine lieben zeilen. ja, könnte ein text zum singen auch sein. aber meine texte sind ziemlich lange. 3000 wörter. werde einen älteren texte einstellen. LG phil

438. | denkmal. 1) .6/6/6/8 / 10/10 hob des ois net geplant, woit di net provozian, hob di nua nochgeahmt, wü di afoch niemois valian; mei programmiata fokus is entgleist, meine gedonkn san wieda vareist es is afoch so gschehn, hob diesn föhla gmocht, konns leida net zruckdrehn, hob a net vü drüba nochdocht; hob mi nua in diesa einbahn vafoahn, untaloss diese frogn vom nochboahn da tog is no so rein, hob dafüa ka konzept, es gibt nua sonnenschein, a da regn hot mi belebt; dieses gwitta hot mi wieda poliat, hob die poa dauafleckn scho negiat schliess diesn offnen kreis, fong jetzt von voane on, steh no auf dünnem eis, vatrau nua auf mei glückshoamon; do die ausschüttung wuade sabotiat, iagendwos hot si in mia einquartiat. 2) .6/6/6/8 / 10/10 füa mi gibts kan entwuaf, die kugl roit dahin, es gibt nua an vasuach, is mei eignes adrenalin; hob die schwere belostung mitgeschleppt, meine beschweadn san no net vaebbt es is afoch passiat, hob an foischn schritt gmocht, hätt gean ois zruckdatiat, hob mei tun goa net übawocht; befind mi auf diesa übaholspua, steh hia wie vasteinat wie a skulptua die nocht hot si scho gsenkt, hob do no so vü voa, da mond hot mi beschenkt, sei licht entzündet mein motoa; a die steanbüda hom mi vafoigt, bin von iahra deutung gonz übazeugt bring den strich zu an end, da punkt hot genau passt, hoits fest des instrument, die züflagge weht scho om mast; greif voa freude nochm kariartn bond, zabröslt sofoat zu seah feinem sond. ch 1a) .14/16/8/7 mei raum is a ebene ohne schweakroft ohne zeit, mei zeit is a hohe wön übaflutet mi mit einsomkeit, fühl mi valossn isoliat, hob wieda halluziniat mei weg is a wüda fluss ohne wossa ohne stein, mei stein zafoit scho zu staub wü mi von diesa asche befrein, da rauch längst vom winde vaweht, valia mei stabilität mei heaz is a tromml ohne an stock ohne a fell, mei fell hot scho gnua wundn und noabm auch ohne des skalpell, hob mi ois buße söba gritzt, die krisn hom si zuagspitzt mei sö is a vogl ohne fliagl und fedakleid, mei fedakleid hot zvü fleckn wuade bereits vom bluad eingweiht, die stimmen in mia san vüz laut, hob wieda mental obbaut.

1) 9/9/11/13 (//12/12) räklst di wieda alla im bett, da one-night-stand is scho longe weg, dei männavaschleiss is scho exoabitant, a feste beziehung is bei dia no net geplant da richtige woa no nie dabei, bist vü lieba söbstständig und frei, eansthoft woas east amoi und des hechstns öf tog, du woast no vüz jung und ea woit glei an vatrog host dein lebmszenit scho eareicht, drei joahzehnte host gleant und bist greift, longsom sehnst di noch an gmiatlich woamen heim, do dafüa benötigst net nua an grossn baustein host nua ongst voam liebendn heaz, deine gfühle gehn vüz schnö obwäats, die scheidung deina ötan hot da zuagsetzt, kana hot da zuagheat, woast zrissn und tiaf valetzt. 2) 9/9/11/13 (//12/12) räklst di wieda alla im bett, um dein hois hängt a neichs amulett, in da duschn plätschat wossa zoat voa si hin, die schmettaling im bauch hom vü adrenalin es woa liebe aufm eastn blick, des woa dei genialsta hattrick, die funkn hom zwischn eich knistat und gsprüht, eire foabm hom si vamischt und san donn eablüht iagendwie host eam scho imma kennt, eire sön woan vü zu long getrennt, eire wege hom eich donn endlich zommgfüaht, hobts den jeweils ondren trommlschlog intensiv gspüat ea is dei mäachenprinz in peason, iah treffts beide den richtign ton, eire harmonie hot an besondren klong, eire magische affäre is east da onfong. ch 1a) 8+9/8+11...7/7/7/7 / 6/4 die linien in deina hond eazöhn ma dei gonze lebmsgschicht, wie an wossatropfn im sond eakenn i olle details im woahn licht jeds geheimnis wiad da entlockt, olle feinheitn wean offnboat, olle nuancen wean auspockt, jede klanigkeit wiad gonz genau ongstoat jede eignschoft wiad beonsprucht füa a gemälde füa a büd, wie in ana lagunenbucht brondn die sonftn wön auf an flochn schüd eakläa da olle schottn, öffne füa di den voahong, lüfte jetzt jedn schleia, zeig da mein gedonkngong, varot ois üba di, dei eneagie. 3) 9/9/11/13 (//12/12) räklst di völlig easchöpft im bett, die nocht woa a feuchtfröhlichs duett, dei leidnschoft is wiedamoi explodiat, host jetzt endlich dei vaspätetes glück akzeptiat sads vaschiedn und iagendwie gleich, eire streitarein spün eich an streich, eire gefühle san echt und gehn tiaf rein, so vü emotion fliesst üba eian innren schein lügn san bei eich gänzlich vapönt, die reine woahheit hot eich vawöhnt, positive schwingungen gehn von eich aus, schoffts eich a idyllisches romantisches zuhaus dei aufrichtigkeit hot di weit brocht, hobts mit eiren flausn seah vü glocht, bist a seah stoake und autonome frau, dei freind sommlt da an frisch gsommltn moagntau. 4) 9/9/11/13 (//12/12) vaströmst so vü aufrichtigs vatraun, vaobscheust mauan und jedn zaun, jeda kompromiss is vanünftig und fair, dei gedächtnis is a endlos eascheinendes mea analysiast ois bis zum atom, föadast dei eigne konzentration, dei phantasie hot vü kreativität, jeds hobby vabindest mit seina spontanität dei zweite seitn is rational, dei intelligenz is nie neutral, dei gehianwindung oabeit scho rund um die uah, nua gemeinsom hintalossts a sichtboare spua eainnast di oba net gean zruck, die eainnarung eahöht den druck, die vagongenheit hot di bis hiahea brocht, denn jetzt fühlst di geboagn beschützt und volla kroft. b 1) 15/15/9..10/8/10/12 i les aus deina aura, deinen augn, aus deina hond, i sprich üba dein charakta, dei lebm und dein vastond, oba a dei sö wiad net vaschont leg oi deine eignschoftn völlig offn voa di hin, oi deine individualitätn mochn donn sinn, zeig da deine innren deponien hob da deine neigungen varotn, gib deine fähigkeitn preis, deine schwierigkeitn hobm knotn, deine schwächn und stäakn stehn auf dünnem eis i les von deinen lippm, deina nosn, von deinen oahn, sprich üba dei eignoat, dei zukunft und deine sensoan, wea bei jedm föhla no nochboahn deut oi deine träume ohne iagend a schönfäabarei, sezia deine scheenen wünsche ohne augnwischarei, zeig da a dein innren einheitsbrei hob da deine uaängste aufgschriebm, nimm die klan manien mit humoa, hob bei deim attest nie übatriebm, deine qualitätn hom a an bremsfaktoa. ch 1b) 8+9/8+11...7/7/7/7 / 6/4 die iris in deinen augn eazöht ma dein gonzn lebmslauf, wie a obbrochne schraubm polia i olle windungen füan gebrauch jeda zweifl wiad beseitigt, denn olle seitn wean untasucht, jede these wiad vateidigt, jede nichtigkeit wiad in ladn eingstuft jeda weat wiad genau obgwogn füas ideale gleichgewicht, wie auf an regnbogn füaht da weg von da dunklheit ins grelle licht eakläa dan dichtn nebl, öffne füa di jede tüa, enthüll die weissn fleckn, zeig da die komplexe küa, afoch nix bleibt vaschoin, wea ois raushoin. ch 2a) 9/9/8/9..8/6/7/13.9/7/9/11 hob dein venushügl eaklommen, hob endlich dei volle liebe gspiat, dei pumpm klopft scho wie varuckt, dei schrei woa wollüstig inspiriat san genau aufm punkt gekommen, hob endlich dei woahre liebe gspiat, unsa schweiss füllt a viadukt, hom so vü stellungen ausprobiat host mi uman finga gwicklt, woa a seah leichtes spü, bei mia hots donn glei pricklt, trog di auf händn in unsa gemeinsomes zü host ma honig um mein mund geschmiat, host di mit mia fest valeimt, host mi afoch nua hypnotisiat, host unsre oagane feialich vaeint.

475. | sabotiat. (Teil 1 + Teil 2 ohne ch 2a) 1) 5+9/9+7/6+5...10+10/10+10 spitze stean krotzn om eaeignishorizont entlong, dünne seifnblosn zaplotzn om seidnweichn voahong, a wön aus eneagie moit an neionfong schoafe zeitsplitta schneidn klaffende wundn ins licht, fein gschliffne pealen hinta gitta schlittan ausm gleichgewicht, diese önomanie hot iah eigne schrift gonz enge kuavn zaschneidn den endlos grodn pfad, diese massiv aufgrissnen fuachn zian des oide lebmsrad, da zukünftige schritt mocht no gnua föhtritt a heimlicha äussast schmola duachloss öffnet si east im letztn augnblick, da arhythmisch schlogende otemstoss vaengt si dramatisch duach an foistrick. b 1) 5/6/5/6 / 8/5...14/14/11 steh om rond zua schlucht, da schwindl hoit mi fest, denk nua an die flucht, is a schwieriga test, muass no a stoake bruckn baun, füa mei söbstvatraun trog schwea om konflikt, hob a grosses problem, mei uah scho laut tickt, kompliziates system, muass do nua amoi richtig wöhn, bei den bagatön foi in an fleischwoif, vasink tiafa im sumpf, hea nua mei gekeuch, meim vastond föht da rumpf, muass endlich mei feigheit blockian, deaf mi net vaian da bodn unta mia wiad von dämonen übaschwemmt, die eainnarungen treibm ins feane fiamament, hob mei festvawuazltes schicksoi duachtrennt. ch 1a) 12/8/10/8...6/12/8/10 mei hois is heisa und trockn vom vün schrein, trink den heilendn moagntau, wäa jedn oiptraum an oadn valeihn, mei hoss steckt donn net meah im stau mei zung is belegt und pözig von da kronkheit, trink den geheimnisvoin tronk, hob jedn oiptraum wieda foisch eingreiht, meine phobien liegn scho blonk meine stimmbända san scho eingrissn und gschwoin, trink nua diesn frischpresstn soft, deaf jedn oiptraum gonz schnö übahoin, mei schlof gibt ma wieda vü kroft woch auf in an koma, in ana viadimensionaln utopie, üba mia schwebt die korona, in ana fraktaln anomalie. 2) 5+9/9+7/6+5 (5+6)...10+10/10+10 die konstellation da planetn von sonne und mond, vauasochn an besondren ton in diesa eisign front, dieses phänomen is olle tausend joah paganes wissn steckt im esoterischn esprit, in den déja-vu-ealebnissn hom visionen a magie, des oide system hot an eignen sensoa diesa wendepunkt hot unsre lebmsweise vadreht, hom in mentale sphäan eintunkt mit vü kreativität, da befreite wün mecht so gean weita spün a prächtiga prunkvolla baldachin beobochtet detailliat unsa tun, unsa bewusstsein suacht noch synergien in an paralleln univeasum. b 2) 5/6/5/6 / 8/5...14/14/11 steh om rond zum spoit, die panik druckt fest zua, spia die rohe gwoit, a hoate rezeptua, muass jetzt mei lebm austarian, voasichtig agian schwonk voa und zurück, und zwischn guad und bös, imma föht a stück, von meim lebmsealös, muass endlich amoi ois vastehn, bin nua feichta lehm zwing mi zua räson, tauch duach diesn morast, ois is monoton, in dem diffusn palast, muass den wüdn fluss übaquean, deaf nix übahean da bodn unta mia wie a lavamea brodlt und kocht, die vün ondenkn vabrennen spualos üba nocht, hob die valognen woahheitn vavüfocht. d 1) 7+8/7+9/9..11+10/10+10 totgeboane synapsn entschlüssln die lebmssequenz, graunhofte strapazn vaprügln die vabotne essenz, in ana unsichtboan frequenz zafetzt zabrochne träume eagründn diese lebmsfrucht, übawuchate schäume hom uneafüllte wünsche besucht, in ana unberüahtn sondbucht a mosaik aus vatrocknetn tränen schmückt wände aus vasoizna agonie, die bestialisch brünstign szenen zeign a surreale pandemie totgeglaubte gedonkn flackan mit vazaubatn kronz, doanig schlänglnde ronkn wüagn die geniale substonz, mit eaboamungslosa elegonz massakriate momente segnen den zeitlichn aspekt, vagiftete präsente bejubln den dominoeffekt, mit an nihilistischn konzept a mosaik aus oneirischn schimäan ziat obgründe aus sölischm sekret, in bluadgetränktn gschändetn altäan ruht a antik sakrale rarität. ch 1b) 12/8/10/8...6/12/8/10 mei hond is vakrompft und gelähmt von schweara last, massia scho mein gesomtn oam, bei jedm oiptraum wea i zum phantast, mei hoss is wieda in bestfoam meine fiass san aufbläht und steif von da oabeit, massia olle muskln vom bein, jeda oiptraum is in mia guad gedeiht, die phobien san gmeisslt in stein mei keapa is von oidn noabm übasät, massia dieses öl in mei haut, jeda oiptraum hot mei vanunft umgmäht, hob im schlof wieda kroft aufbaut woch auf in an koma, in ana scheinboa symbolischn illusion, üba mia nua blitz und donna, mit eneagetischa konzentration.

hm. naja. ich fange einmal an zu schreiben und sehe was daraus wird und entwickel dann sozusagen einen eigenen rhythmus für den text. eventuell könnte man diesen text ja auch singen zuerst der text, dann die zahlen. LG philjazzmetal, der mundartige -keine Verlinkungen zu anderen Seiten in Beiträgen erlaubt! Verlinkung entfernt! mfG die Moderation-

hallo peter, nein keine geheimschrift. sind silben.

473. | steanenoachidee. 1) 6+7/8+6/5+8...6/7/7/8/6/5 wü do jeds geheimnis in mein vastond injizian, wü diesn unscheinboan riss glei wieda ausradian, des winzigste woat flüchtet voa diesm fremdn oat wü jeds frogezeichn mit ana lösung aufkläan, wü diese vaschiednen weichn endlich gonz weit aufspean, des vafoamte gleis beginnt und endet in an kreis wü die vün schottn aus da dunklheit befrein, wü den scheinheilign grottn die woahheit ongedeihn, jede religion segnet und vafluacht an dämon lossts ma mein eigen wün, mecht mei lebm söba spün, drängts ma kane regln auf, nimm die konsequenzn in kauf, lossts mi endlich in ruah, mochts die tia jetzt zua. b 1) 7/7/6/8/6/6...11/11/11/7 bleib in meina eignen wöd, hob mei lebm net bestöt, do i muass do jetzt duach, meine eignen via weissn wänd, hom mi vom besn trennt, ohne an föhvasuach valoss nie mein eignen raum, mei lebm is wie a traum, do i brings hinta mich, da nächste voasichtige schritt, minimiats defizit, gonz ohne an schlussstrich laua nua in meim vasteck, mei lebm schrumpft zu an fleck, muass mi jetzt endlich weahn, geh sogoa bis zum horizont, woa bei da foischn front, konn jetzt net meah umkeahn hob mi nie geöffnet, nie wos offnboat, hob meine lebmsdetails guad aufbewoaht, du host mi gfundn aufghobm und hambrocht, hob nua mit dia wieda glocht. ch 1a) 12+4/10+9...8+11/7+10 des weisse meina augn losst tränen fliessn wie sond om mea, da zabrochne pfeil beim bognschiessn siagt des zü ois schlechtn visionäa die bläschen meina lunge hom beim otemhoin ois foisch vatauscht, des engmaschige netz voa diesa foin hot des ausgwoafne chaos belauscht da sinusknoten im heaz valiat den rhythmus bei seim konzeat, da resistent infektiöse virus hot si millionenfoch vameaht wie vaboagne pentimenti zeichne und moi i mei lebm in die luft, mei heftiges dementi hot mei lebmsdaua herobgestuft. 2) 6+7/8+6/5+8...6/7/7/8/6/5 wü jeds mysterium in mein vastond obsoabian, wü aus diesm delirium glei wieda deseatian, die wüde manie giat noch meina anomalie wü den dichtn nebl mit raffinesse zastreun, wü diesn mächtign hebl om bett gonz fest onschnoin, des vadrehte seil voistreckt des gerechte uateil wü die vaschwommne gstoit mit hoata schäafe einweihn, wü diesn gfäahlichn inhoit on die reinheit valeihn, da hoamlose sinn missbraucht den bluadign gewinn behoit mein eignen weg, füaht mi sicha duachn dreck, vadräng afoch jeds gesetz, ignoria des dumme geschwätz, brauch dringend diese stün, wea wieda aufblühn. b 2) 7/7/6/8/6/6...11/11/11/7 hob mei reich kloa obgegrenzt, mei lebm hot net geglänzt, hob bis jetzt übalebt, meine mauan san no robust, hob ka heilignbrust, mei innres hot scho bebt valoss nie mein eignen oat, mei lebm hot on nix gspoat, do i hob jetzt genug, beschleunig mein kuazn prozess, mündet in an exzess, woa mei letzta schochzug hob mei umgebung im blick, mei lebm a missgeschick, blos zum gegnongriff, attackia sogoa die freindschoft, hobs gwissn net bestroft, direkt voa mia a riff mei robusta kokon is no nie aufplotzt, hob des boot im lebmshofn net zakrotzt, du host mi eakonnt aufgsommlt und zausbrocht, hob nua mit dia wieda glocht. d 1) 12/11/10/7..9/9/11/11 du flutest mei sö mit deina liebendn kroft, du spendiast ma dein eneagetischn soft, mei keapa wiad duach dei aura duachströmt, host mi jetzt wieda vawöhnt du entfochst in mia a feia mit vü genuss, du explodiast bei an ekstatischn kuss, host meine gefühle wieda eawäamt, hob di scho innig umschwäamt host mi voam unbekonntn gschützt, host mei longe reise untastützt, host mit oin variantn kalkuliat, host jede foaml gonz genau inspiziat du schenkst ma dei attraktive foabmvüfoit, du tonzt mit mia duach an vazaubatn woid, mei keapa is süchtig noch deinen sphäan, wead di füa imma vaeahn du bringst an ealoschnen vuikan zu an ausbruch, du vafüahst mi mit nua an anzign spruch, host dei intensität wieda vastäakt, hob dei wiakung scho bemeakt host ma a kloare linie zeigt, bin scho bei jeda kreizung obzweigt, bist jede kuavn mit mia gemeinsom gfoahn, fühl mi nua bei dia wieda wie nei geboan. ch 1b) 12+4/10+9...8+11/7+10 des pigment da iris hot mi mit iahra foab hypnotisiat, des fundamentale volumen vom koab hot den richtign kean komprimiat die arterien und venen leitn des blut von kopf bis fuss, die bahnen ziehn jetzt scho den oidn hut voa dem zeremonielln ritus des trommlfö im heaz valiat scho die sponnkroft bei jedm schlog, die unkontrolliaboare feige mocht kündigt afoch den lebmsvatrog wie unsichtboare hyroglyphn skizzia und ritz mei lebm ins gestein, meine eignen apokryphen wean mei lebmsschicksoi glei entzwein. ch 2a) 4+8/6+6/5+6...6+10/6+10 schreib mein roman in ana lebendign sproch, umhüll ois mit balsam garniat mit an sprengstoff, mei zeit hot scho drängt, hob an treffa vasenkt berechne den tog wo ois inanonda greift, mit an anzign schlog hot mi die kötn gstreift, mei zeit zöht scho zruck, steh unta grossem druck eazöh mei gschicht ohne lügn ohne an trick, vamiss scho des sonfte licht in diesa klinik, mei zeit is fost um, benötig des serum mei sucht treibt mi direkt in an ozean volla utopien, mei dominoeffekt vameaht meine kronkhoftn phantasien.