Liara
Autorin
Wenn’s koid wiard
Wenn’s koid wiard draußn voa da Dia,
s’Gras is scho weiß und i gfrier.
Im Ofen, da brennan die Scheid
und auf da Straßn sand kaum no Leid.
Wenn’s dunkl wiard draußn im Woid,
koa oanzigs Bladl vo de Bam owa foid,
und die Viecherl stehn still im Stroh,
dann zünd i mia mei hells Lichterl o.
Wenn’s koid wiard in unsera Weld,
und d'Leid rennan nua no aufs Geld.
Wenn’s koan mea interessierd,
ob’s ålle guad gehd oda ob’s wen gfried.
Wenn’s Nachd wiad draußn im Feld
und wieda stirbd so sinnlos a Held,
wenn‘s krachd und scheppert wia’s nua ko,
zündn weinende Mütta ihre Kerzerln o.
Wenn’s so koid wiard in eure Herzn
und s'Leid taugt eich nua no zum Scherzn.
Ihr beschimpft und schmäht fremde Leute
und benehmd eich wiara vawilderte Meute.
Wenn Kinda hungern und friern,
schaud’s es weg und schließd eure Dian?
Für eure Seeln im stockdunkln Nirgendwo,
füa eich zünd i tausende Kerzerln o.
Wenn’s koid wiard ringsumadum,
wenn da Sensnmo scho wieda gehd um,
wenn ålle gengan und koana mea bleibt,
wenn’s ma die Tropfn in die Augn treibt,
wenn‘s Eis schmilzd draußn vorm Fensta,
und da Wind vajagd dunklgraue Gespensta
und wenn is dann a nimma ändern ko,
zünd i mia s‘letzde helle Lichterl o.
So koid is, da druntn unta da Erdn,
so eng, so dunkl, was soi iezd aus mia werdn.
Ich wär echd dankbar und ungemein froh,
vielleichd zünd mia a eppan a Kerzerl o.
© Liara
Wenn’s koid wiard draußn voa da Dia,
s’Gras is scho weiß und i gfrier.
Im Ofen, da brennan die Scheid
und auf da Straßn sand kaum no Leid.
Wenn’s dunkl wiard draußn im Woid,
koa oanzigs Bladl vo de Bam owa foid,
und die Viecherl stehn still im Stroh,
dann zünd i mia mei hells Lichterl o.
Wenn’s koid wiard in unsera Weld,
und d'Leid rennan nua no aufs Geld.
Wenn’s koan mea interessierd,
ob’s ålle guad gehd oda ob’s wen gfried.
Wenn’s Nachd wiad draußn im Feld
und wieda stirbd so sinnlos a Held,
wenn‘s krachd und scheppert wia’s nua ko,
zündn weinende Mütta ihre Kerzerln o.
Wenn’s so koid wiard in eure Herzn
und s'Leid taugt eich nua no zum Scherzn.
Ihr beschimpft und schmäht fremde Leute
und benehmd eich wiara vawilderte Meute.
Wenn Kinda hungern und friern,
schaud’s es weg und schließd eure Dian?
Für eure Seeln im stockdunkln Nirgendwo,
füa eich zünd i tausende Kerzerln o.
Wenn’s koid wiard ringsumadum,
wenn da Sensnmo scho wieda gehd um,
wenn ålle gengan und koana mea bleibt,
wenn’s ma die Tropfn in die Augn treibt,
wenn‘s Eis schmilzd draußn vorm Fensta,
und da Wind vajagd dunklgraue Gespensta
und wenn is dann a nimma ändern ko,
zünd i mia s‘letzde helle Lichterl o.
So koid is, da druntn unta da Erdn,
so eng, so dunkl, was soi iezd aus mia werdn.
Ich wär echd dankbar und ungemein froh,
vielleichd zünd mia a eppan a Kerzerl o.
© Liara
