Feedback jeder Art Mei Löbn is a Büachö

[A.N N A]

Mei Herz is a Büachö,
ganz vü steht scho drinn.
Manch Lustigs, vü Traurigs,
tiaf drinn liegt da Sinn.

Woaß nöt, wiavü Blattln
dös Büachö kunnt göbn.
Was drinn steht, is wahr,
is vom fast neunzgjährign Löbn.

Auf da erstn Seitn
is vom Muattal vü gschriebn.
Dö Liab, was s' ma göbn hat
is für sie wieder bliebn.

Von dem Wort "Muatta"
geht mei ganz' Löbn aus.
Sche woar dö Kindheit
im Elternhaus.

Vom Kindsein is
manchs Blattl beschriebn.
I woaß goar nöt, wo
dö Jahrl han bliebn.

Zwoa Seitn han
im Büachö drinn,
mit schwarzö Buachstabn
is ois gschriebn.

Der Tod vo mein Buam
und vo mein Mann,
vü Schmerz und Load
hängan da dran.

Was ois nu gschriebn wird
in mei Herz....
s'Schicksal bringt's,
ob Freud, ob Schmerz.

Im Löbn kimmt
goar vü daher.
Und manchmoi glaubst,
dö Last wird z'schwer.

Oa oanzigö Frag
stell i nu ans Löbn:
Wiavü solche Blattln
wird da Herrgott nu göbn?

Und wann i geh
zur ewign Ruah,
dann schliaß i s' Büachö,
dann mach i's zua.

 

[Rudolf Fritz-Roessle]

Liebe Anna
In deinem Buch des Lebens stehen bestimmt sehr viele interessante Sachen drin. Ich finde es immer sehr spannend, was ältere Menschen zu erzählen haben. Wie schnell sich doch Begebenheiten und Zeiten ändern können. Mit ihrer Einstellung zum Leben ,wird auch das letzte Blatt wertvoll sein. Da sie vom Herrgott geschrieben haben, kann man mit dem Gedanken der Taufe jedes Buch irgendwann sanft schließen.

 

[A.N N A]

herzlichen Dank für diese wunderschönen Worte, lieber @Rudolf Fritz-Roessle